*सेवा भारती संचलीत डॉ.हेडगेवार रुग्णालयाचा १४ वा वर्धापन दिन!
१४ वर्षांचे समर्पण आणि कठोर परिश्रम हा एक अविश्वसनीय टप्पा आहे.
सेवा भारती, इचलकरंजी या संस्थेच्या माध्यमातून तीन वस्ती आरोग्य सेवा केंद्रे (१) जेनरिक आयुर्वेदिक केंद्र गुजरी पेठ इचलकरंजी), ज्यात २ ग्रामीण आरोग्य सेवा केंद्रे (१)चंदुर वस्ती आरोग्य केंद्र) २) शहापूर वस्ती आरोग्य केंद्र), ३ फिरते दवाखाने (१) इचलकरंजी फिरते रुग्णालय २)शाहुवाडी फिरते रुग्णालय).३) गगनबावडा व कोल्हापूर सेवावस्त्यांमध्ये फिरते रुग्णालय), शहरी भागात १ निवासी 32 बेडचे रुग्णालय(डॉ. हेडगेवार रुग्णालय इचलकरंजी), १ रुग्णवाहिका (२४ तास सेवा इचलकरंजी)आणि प्रधानमंत्री जन औषधी केंद्र अशा विविध प्रकल्पातून आपत्कालीन परिस्थितीत रुग्णसेवा केली जाते. सेवा भारती गरीब रुग्णांना अनुदानित रकमेवर औषध मिळविण्यास मदत करते. तैसेच उपचार ही मिळतात.
फिरते रुग्णालयांच्या मदतीने झोपडपट्ट्यांमध्ये आणि आर्थिकदृष्ट्या गरीब भागात मोफत आरोग्य सेवा शिबिरे आयोजित केली जातात, जिथे शेकडो रुग्णांसह हृदय आणि मधुमेहाच्या आजारांची तपासणी केली जाते. शिबिरांमध्ये, तंत्रज्ञांच्या पथकांनी मोफत ईसीजी आणि रक्तातील साखरेची चाचणी केली जाते. तपासणी व्यतिरिक्त, आहारतज्ज्ञ आहेत जे रुग्णांना निरोगी आहार, व्यायाम आणि औषधांबद्दल सल्ला देतात. औषधे मोफत वाटली जातात. सामान्य लोकांसाठी निसर्गोपचार,पंचकर्म, फिजिओथेरपी आणि इतर विशेष शिबिरे देखील आयोजित करते आणि हजारो लोकांना या शिबिरांचा फायदा होतो. हे सेवाकार्य अविरत चालू राहण्यात संस्थेचा सेवकवर्ग,कार्यकर्ते,विश्वस्त व हजारो देणगीदारांचा मोलाचा वाटा आहे. समाजातील वंचित,उपेक्षित,पीडित आणि अभावग्रस्त वर्गास लाभदायक ठरणारे हे सेवाकार्य अत्यंत जोमाने चालू आहे.
https://www.instagram.com/p/DLXNurdsMdC/?igsh=bjlrMWl2cnc2aHpm
